ทุกฺขาย เวทนาย ตโต ภวราคานุสยญฺจ กามราคานุสยญฺจ มานานุสยญฺจ น ปริชานาติ, โน จ ตโต ปฏิฆานุสยญฺจ ทิฏฺฐานุสยญฺจ วิจิกิจฺฉานุสยญฺจ น ปริชานาติฯ กามธาตุยา ทฺวีสุ เวทนาสุ ตโต ภวราคานุสยญฺจ ปฏิฆานุสยญฺจ น ปริชานาติ, โน จ ตโต กามราคานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ น ปริชานาติฯ อปริยาปนฺเน ตโต ภวราคานุสยญฺจ น ปริชานาติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ น ปริชานาติฯ

(ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ น ปริชานาติ ตโต อวิชฺชานุสยํ น ปริชานาตีติ? อามนฺตาฯ

(ข) ยโต วา ปน อวิชฺชานุสยํ น ปริชานาติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ น ปริชานาตีติ? อามนฺตาฯ (ปญฺจกมูลกํ)

[252] (ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานาติ ตโต อวิชฺชานุสยํ น ปริชานาตีติ? อามนฺตาฯ

(ข) ยโต วา ปน อวิชฺชานุสยํ น ปริชานาติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานาตีติ ? อามนฺตาฯ (ฉกฺกมูลกํ)

(จ) ปฏิโลมปุคฺคโลกาสา

[253] (ก) โย ยโต กามราคานุสยํ น ปริชานาติ โส ตโต ปฏิฆานุสยํ น ปริชานาตีติ?

อนาคามิมคฺคสมงฺคี ทุกฺขาย เวทนาย โส ตโต กามราคานุสยํ น ปริชานาติ, โน จ โส ตโต ปฏิฆานุสยํ น ปริชานาติฯ สฺเวว ปุคฺคโล รูปธาตุยา อรูปธาตุยา อปริยาปนฺเน โส ตโต กามราคานุสยญฺจ น ปริชานาติ ปฏิฆานุสยญฺจ น ปริชานาติฯ อนาคามิมคฺคสมงฺคิํ ฐเปตฺวา อวเสสา ปุคฺคลา สพฺพตฺถ กามราคานุสยญฺจ น ปริชานนฺติ ปฏิฆานุสยญฺจ น ปริชานนฺติฯ

(ข) โย วา ปน ยโต ปฏิฆานุสยํ น ปริชานาติ โส ตโต กามราคานุสยํ น ปริชานาตีติ?

อนาคามิมคฺคสมงฺคี กามธาตุยา ทฺวีสุ เวทนาสุ โส ตโต ปฏิฆานุสยํ น ปริชานาติ, โน จ โส ตโต กามราคานุสยํ น ปริชานาติฯ